Tuesday, January 13, 2009

The following article regarding the park was published in November 08. The long and short of it is that Bodi, which Korean financing, plans to build an amusement park in the Children's Park. Details are scant. Will there be any open space leftover? How much will it cost to enter? Will apartments or commercial space occupy this property? The interviewer does not address these critical issues.

“Диснейлэнд”-ийн эхний ээлжийн хvvхдийн баяраар ашиглалтад орно
/2008-11-14/

Yндэсний соёл амралтын хvрээлэнг “Бодь групп” Японы “Иточу” корпорацитай хамтран шинэчлэх болсон тухай мэдээлэл цацагдсанаас хойш багагvй хугацаа өнгөрлөө. Хvvхдvvд дэлхийд алдартай “Диснейлэнд”-ээс дутахгvй тоглоом тоглож, зугаалах том парктай болох мөрөөдлөө гээгээгvй яваа. Гэтэл сvvлийн vед “Голомт” банктай холбоотой цуурхал олон нийтэд хvрч “Иточу” корпораци болон “Бодь групп” МYСАХ-г шинэчлэх санхvvгийн боломжгvй болсон мэтээр мэдээлсэн нь анхаарал татсан юм. Энэ тухай МYСАХ-ийн зохицуулагч Б.Батнягтаас тодрууллаа.

-Хvvхдийн паркийг дахин шинээр байгуулах төслийг “Бодь групп” авч байхад сайн ажиллах байх гэж бодож байсан. Гэсэн ч энэ vеэс хойш хоёр жил өнгөрчихөөд байхад хийсэн бvтээсэн юм харагдахгvй байна. Ямар шалтгаанаар хугацаа алдахад хvрэв?

-Шалтгаан нь Хvvхдийн паркийн асуудал , газрын маргаантай холбоотой. Бид ажлаа эхлvvлэхийн тулд нийслэлээс зөвшөөрөл авч судалж vзсэн. Орц гарц нь хаанаа байх юм, хvмvvс хаагуураа явах, тоглоом нь хаанаа суурилах гэхчилэн судлах юм ч олон байлаа. Хуучин паркын тоглоомууд нь хоцрогдсон, өр зээлтэй, хvмvvс тоож очихоо больчихоод байсан шvv дээ. Бас аюулгvй байдлын талаасаа найдваргvй байлаа. Энэ бvхнийг шинэчилсэн шиг шинэчилье. Монголын хvvхдvvд яагаад бусад орны багачуудтай адил өндөр зэрэглэлийн Диснейлэндэд тоглох эрхгvй гэж. Ийм л урам зоригтойгоор ажлаа эхлvvлсэн. Гэтэл газрын маргаан бараг хоёр жил шахам vргэлжиллээ. Саяхнаас маргаан шийдэгдэж, өмнөх эрхээ өөрийн болгочихоод байтал дахиад л цуу яриа дэгдлээ. “Голомт” банкны бизнесийн нэр хvндэд халдаж, зориуд гvтгэлэг тараахын тулд Хvvхдийн паркийг дунд нь хутгаж байна.

-Газрын маргаан Хvvхдийн паркийн зураг төсөлд нөлөөлсөн vv? Ирээдvйн “Диснейлэнд”-ийн зураг төслийг хэрхэн хийснийг сонирхуулаач?

-Зураг төслөө Солонгосын компаниар хийлгэсэн. Энэ явцад зураг дээрээ хоёр ч удаа өөрчлөлт хийлээ. Орох хаалгаа зvvн талдаа болгоё гэтэл тэр газрыг өөр компани авчихсан байсан. Тэр компанийн газрыг судлаад vзтэл зөвшөөрөл авах эрхгvй компани энэ газрыг авсан байсан. Тухайн vед бид энэ асуудлыг нийслэлийн удирдлагуудад өргөн барьж, газар эзэмших эрхийг нь цуцалсан. Захиргааны хэргийн шvvх хурал нэг жил долоон сар гаруй vргэлжиллээ. Энэ мэтийн асуудлаас vvдэн хугацаа алдсан юм бий. Асуудлаа шийдvvлэх явцад бид Канадын компанид хандаж зураг төслөө vзvvлсэн. Канадын уур амьсгал нь манай оронтой адилхан болохоор тэд илvv туршлагатай, Монголын нөхцөлд зохицсон зураг төсөл хийж чадах байлаа. Yнэхээр ч тэд бидний зургийг vзэж судалсан, манай оронд гурван ч удаа ирж vзсэний эцэст тэд ажлаа хийж эхэлсэн. Yvнтэй зэрэгцэн газрын маргаан vргэлжилсээр л байсан.

-Тэгээд хvvхэд багачууд, эцэг эхчvvдэд дуулгах сайн мэдээ байна уу?

-Сайн мэдээ гэвэл одоо газрын маргаан эцсийн байдлаар шийдэгдчихсэн байгаа. Бид газраа баталгаажуулж авснаар гол ажил руугаа орох боломжтой боллоо.

-Одоо ажлын явц ямар байна? Ямар ч гэсэн хуучин тоглоомнуудыг буулгасан харагдсан?

-Алсыг харагчаас бусад тоглоомыг буулгасан. Хуучин тоглоомын ихэнх нь хөдөө аймгууд руу явсан. Шинээр 13 тоглоом суурилуулах ёстойгоос найм нь Улаанбаатарт ирчихээд байна. Маргааш дахин дөрвөн тоглоомоо буулгаж авна. Yлдсэн тоглоомууд тун удахгvй Монголд ирнэ.

-МYСАХ төслийн хөрөнгө оруулалт зогссон мэтээр зарим хэвлэлд мэдээлсэн. Энэ талаар төслийн зохицуулагчийн хувьд ямар хариу хэлэх вэ?

-Дөрвөн тэрбум төгрөг төлөвлөснөөс одоогийн байдлаар гурван тэрбумын хөрөнгө оруулалт хийгдчихээд байна. Хөрөнгө оруулалт зогссон юм байхгvй. Энэ бол зориуд тарааж байгаа гvтгэлэг гэдгийг хэлмээр байна. Миний дээр хэлсэнчлэн “Голомт” банкны vйл ажиллагааг доголдуулах зорилгоор тараасан цуурхлаа vнэмшилтэй болгохын тулд МYСАХ төслийн хөрөнгө оруулалтын асуудлыг зориуд хөндсөн гэж vзэж байна. Хөрөнгө оруулалт зогсоогvй гэдгийг би нэг л зvйлээр баталъя. Өчигдөрхөн манайх шинээр ирж байгаа дөрвөн тоглоомын тээврийн зардал, гаалийн татварт 100 мянга орчим ам.долларыг төлсөн.

-Хvvхдийн паркийг шинэчлэх ажил хэвийн явагдаж байгаа юм байна. Гэхдээ нэг зvйлийг тодруулахгvй бол болохгvй нь. Хvvхдvvд маань хэзээ шинэ Диснейлэндэд тоглох вэ?

-Газрын маргаан зэрэг зарим зvйлээс болоод хугацаа их алдсан гэдгийг тvрvvн хэлсэн шvv дээ. Хvйтэн сэрvvний улирал эхэлсэн нь ажлын явцад тодорхой хэмжээгээр саад учруулж байгааг манайхан ойлгох байх. Гэхдээ гурван шатлалтайгаар ажил өрнөж байна. Нуур тойрсон тоглоомын хэсэг, амарч зугаалах, салхилах томоохон ногоон байгууламж, худалдаа vйлчилгээний цэг гэсэн зохион байгуулалтын хуваарийн дагуу ажиллана. Миний хэлж чадах зvйл гэвэл ямар ч гэсэн Хvvхдийн паркийн нэгээхэн хэсэг нь ирэх оны зургадугаар сарын 1 гэхэд ашиглалтанд орж, хvvхдvvд тоглох боломжтой болно. Тэгэхдээ байгаль цаг уур, элдэв шат дамжлага, тээвэрлэлт, зөөврийн асуудал гээд олон хvчин зvйл vvнд нөлөөлнө гэдгийг бас хэлье.

Зууны мэдээ